नाशिकमध्ये अनेक मोठ्या राजकीय घडामोडी घडत आहेत. नाशिकमधून ठाकरे गटाने चौघांना उमेदवारी जाहीर केली आहे. यात नांदगाव मतदारसंघातून गणेश धात्रक यांना उमेदवारी दिली आहे. तर मालेगाव बाह्यमधून अद्वय हीरे यांना उमेदवारी दिली आहे. याचबरोबर वसंत गीते आणि सुधाकर बडगुजर यांना देखील उमेदवारी जाहीर झाली आहे. या उमेदवारांना एबी फॉर्म देखील देण्यात आल्याचं सांगण्यात येत आहे.

दरम्यान, नांदगाव मतदारसंघातून देखील ठाकरे गटाने उमेदवारी जाहीर केली आहे. त्यामुळे आता समीर भुजबळ नेमकी काय भूमिका घेतील हे पाहाणं महत्वाचं ठरेल. काल शरद पवार यांच्या राष्ट्रवादीकडून ठाकरे गटाला समीर भुजबळ यांना आपल्या गटात घेऊन उमेदवारी जाहीर करण्याचा प्रस्ताव देण्यात आला होता. मात्र ठाकरे गटाने नांदगावची जागा गणेश धात्रक यांना दिली असल्याचं बघायला मिळत आहे.

Edited By Rakhi Rajput