Uddhav Thackeray star campaigners list Maharashtra Local Body Election : राज्यात नगरपालिका आणि नगरपंचायत निवडणुकीच्या रणधुमाळीत, शिवसेना (उद्धव बाळासाहेब ठाकरे) पक्षाने प्रचारासाठी आपल्या ४० स्टार प्रचारकांची यादी जाहीर केली आहे. राज्य निवडणूक आयोगाच्या निर्देशानुसार जाहीर झालेल्या या यादीमध्ये पक्षप्रमुख उद्धव ठाकरे आणि नेते आदित्य ठाकरे यांच्यासह प्रमुख नेत्यांचा समावेश आहे. उद्धव ठाकरे, आदित्य ठाकरे यांच्यासह चंद्रकांत खैरे, अरविंद सावंत, भास्कर जाधव, अनिल देसाई, किशोरी पेडणेकर, सुनील प्रभू, आणि अंबादास दानवे यांच्यासारख्या वरिष्ठ नेत्यांवर जबाबदारी दिलेली आहे. ही चाळीस जणांची टीम राज्यभरात निवडणुकीच्या प्रचाराची धुरा सांभाळणार असून त्यांच्या दौऱ्यांनी राजकीय वातावरण तापण्याची शक्यता आहे.