Uddhav Thackeray regrets not listening to Anant Tare : शिवसेनेतील फूट अन् एकनाथ शिंदेंच्या बंडावर बोलताना त्या गोष्टीचा पश्चाताप होत असल्याचं उद्धव ठाकरेंनी सांगितलं.ठाण्यात आयोजित एका कार्यक्रमात उद्धव ठाकरे बोलत होते. त्यावेळी त्यांनी अनंत तरेंच्या आठवणींना उजाळा दिला. अनंत तरेंचं ऐकायला हवं होतं. आता पश्चाताप होतोय असं म्हणत त्यांनी सत्ताधाऱ्यांवर निशाणा साधला.

ठाण्याचे माजी महापौर दिवंगत अनंत तरे यांचं ऐकायला हवं होतं. त्यावेळी त्यांचं ऐकलं असतं तर शिवसेना फुटलीच नसती. आता त्या गोष्टीचा पश्चाताप होत असल्याची खंत उद्धव ठाकरेंनी व्यक्त केली. ठाकरेंनी यावेळी बोलताना एकनाथ शिंदेवर टीकेचा बाण सोडला. ते म्हणाले, त्यांना आता पदं मिळालेली आहेत. पण त्यांचा वापर ज्यावेळी संपेल, त्यावेळी त्यांना कचराकुंडीत फेकून देतील. त्यावेळी कपाळावर हात बडवत तुम्हाला ते याच ठाण्यात दिसतील. अनंत तरेंचं तेव्हाच ऐकायला हवं होतं. आता मला पश्चाताप होतोय.तेव्हा तरेंचं ऐकलं असतं, तर शाहांसमोर हंबरडा फोडणारे बघायला मिळाले नसते, असे ठाकरे म्हणाले.