मुंबईत आयोजीत करण्यात आलेल्या महाविकास आघाडीच्या पत्रकार परिषदेत बोलत असताना उद्धव ठाकरेंनी भाजपवर घणाघाती टीका केली आहे. देशात भाजपविरुद्ध कोणी लढू शकत नाही असं वातावरण तयार करण्यात आलं होतं परंतु त्यांचा अंजिक्यपणा किती फोल आहे, हे महाराष्ट्राच्या जनतेने भाजपला दाखवुन दिलं आहे. मोदी सरकार आता एनडीए सरकार झालं असून हे सरकार किती दिवस टीकेल असा प्रश्न उपस्थित होत असल्याचं उद्धव ठाकरे म्हणाले.