मुंबई: निवडणूक आयोगाने पंतप्रधान नरेंद्र मोदी यांचीही झाडाझडती घ्यावी अशी मागणी माजी मुख्यमंत्री उद्धव ठाकरे यांनी केली आहे. ठाकरे यांनी आज पत्रकार परिषद घेतली. तेव्हा ठाकरे म्हणाले की निवडणूक आयोगाचं प्रेमपत्र मिळालं. हे पत्र आयोगाने सर्व राजकीय पक्षांन पाठवलं आहे आणि त्यात भाजपचाही समावेश आहे. जो न्याय आम्हाला आहे तोच न्याय आता भाजपला लागू होतो असेही ठाकरे म्हणाले. ज्या हेलिकॉप्टर आणि विमानाने आम्ही फिरतो त्याची माहिती आधी निवडणूक आयोगाला द्यावी लागणार आहे. राहुल गांधी यांचे हेलिकॉप्टर तपासत असताना मोदी आणि शाह यांचेही तपासले जातील आणि त्यांचेही फोटो येतील असे ठाकरे म्हणाले.