मराठवाडा, सोलापूर जिल्ह्यासह अनेक ठिकाणी अतिवृष्टीने शेतकऱ्यांचे संसार उद्ध्वस्त केलेय. बळीराजाला मदतीचा हात द्या अशी हाक सर्वत्र दिली जात आहे. या सगळ्यावर उद्धव ठाकरे यांनी सरकारकडे 50 हजार हेक्टरी मदत जाहीर करावी अशी मागणी केली आहे.

मराठवड्यासह संपूर्ण महाराष्ट्रात भीषण परिस्थिति आहे. शेतकऱ्यांच्या हातात काहीही राहिले नाहीये. त्यामुळे शेतकऱ्याला सरसकट कर्जमाफी द्यायला हवी. तसेच व्याज देणाऱ्या कंपन्यांनी शेतकऱ्यांनी नोटीस पाठवू नका, असा आदेश देखील द्यावा अशी मागणी उद्धव ठाकरे यांनी केली. पंजाब सरकारने हेक्टरी 50 हजारांची मदत जाहीर केली आहे. तशी मदत करावी अशी मागणी उद्धव ठाकरे यांनी केली.