मुंबईच्या दादर येथील छत्रपती शिवाजी महाराज उद्यानाच्या परिसरात मनसेकडून दीपोत्सवाचे आयोजन करण्यात आलंय. या दीपोत्सवाचे उद्घाटन माजी मुख्यमंत्री आणि शिवसेना पक्षप्रमुख उद्धव ठाकरे यांच्या हस्ते झालं. दादरमधील या कार्यक्रमासाठी मनसे प्रमुख राज ठाकरे, शर्मिला ठाकरे, अमित ठाकरे, आमदार महेश सावंत आणि शिवसेना आणि मनसेचे नेते पदाधिकारी देखील उपस्थित होते. यावेळी कार्यक्रमाला जाताना ठाकरे बंधूंनी एकत्र प्रवास केला. यावेळी राज ठाकरे यांनी स्वत: कारचं स्टीअरिंग हाती घेतल्याचं पाहायला मिळालं.