आगामी महापालिका निवडणुकीच्या अनुषंगाने आज दोन्ही राष्ट्रवादी काँग्रेस एकत्र येण्याची शक्यता आहे अशी माहिती विधानसभेचे उपाध्यक्ष तसेच राष्ट्रवादी काँग्रेसचे ज्येष्ठ नेते अण्णा बनसोडे यांनी दिली आहे. दोन्ही राष्ट्रवादी एकत्र येण्याची घोषणा हे राष्ट्रवादी काँग्रेसचे प्रदेशाध्यक्ष सुनील तटकरे आणि सुप्रिया सुळे हे करतील. तसेच पुणे आणि पिंपरी चिंचवड महापालिका निवडणुकीत जागा वाटपाचा निर्णय हे उपमुख्यमंत्री अजित पवार हे घेतील अशी माहिती अण्णा बनसोडे यांनी दिली आहे. मागच्या दोन दिवसांपासून घड्याळ आणि तुतारी एकत्र येणार असल्याचे बोलले जात होते. तसेच काल पुण्याचे माजी महापौर यांनी देखील सांगितले होते की दोन्ही राष्ट्रवादी एकत्र येतील आणि घड्याळ चिन्हावर निवडणूक लढवतील यालाच आता अण्णा बनसोडे यांनी दुजोरा दिला आहे.