अजित पवार. राज्याचे उपमुख्यमंत्री आणि राष्ट्रवादी काँग्रेसचे प्रमुख. परखड, स्पष्ट, रोखठोक, प्रशासनावर जबरदस्त पकड आणि टोलेबाजी तर कमाल. त्यात हजरजबाबीपणा...प्रसारमाध्यमांशी बोलताना किंवा एखाद्या कार्यक्रमातील भाषणात याची झलक नेहमीच बघायला मिळते. पुण्यात आज तसंच काहीसं झालं.

कसबा गणपतीच्या दर्शनासाठी अजित पवार गेले होते. त्यांनी दर्शन घेतलं. त्यानंतर प्रसारमाध्यमांशी बोलणारच होते, इतक्यात तुतारीचा आवाज घुमला. तुतारीचा आवाज कानावर पडताच अजित पवार मिश्किलपणे हसले. मी थांबवायचा प्रयत्न करतो आणि हे वाजवतंय, असं अजित पवार म्हणाले आणि तेवढ्या गर्दीतही एकच हशा पिकला.