पहाटेपासूनच नवी मुंबई मध्ये मुसळधार पाऊस सुरु आहे. त्यामुळे सखल भागात पाणी साचलेलं पाहायला मिळत आहे. तुर्भेमधील मेफ्को मार्केट परिसर पाण्याखाली गेला असून तुर्भेतील रस्त्यांना नद्याचं स्वरुप आलेलं पाहायला मिळत आहे. साचलेल्या पाण्यांतून वाट काढताना वाहन चालकांना तारेवरची कसरत करावी लागत आहे. पावसाचा जोर कायम राहिल्यास आणखी पाणी साचण्याची शक्यता वर्तवली जात आहे. तसेच आज दिवसभर पाऊस पडण्याची शक्यता वर्तवली जात आहे. तर प्रशासनाकडून नागरिकांना सतर्कतेचा इशारा देण्यात आला आहे.