मंगळवारी रद्द करण्यात आलेली शिवसेना, राष्ट्रवादी आमदार अपात्रता प्रकरणाची सुनावणी आज होणार असल्याचे निश्चित झाले आहे. ही सुनावणी 18 सप्टेंबरला घेऊ असे संकेत काल सुप्रीम कोर्टाने दिले होते. मात्र आता कोर्टाच्या आजच्या कामकाजाच्या यादीमध्ये या दोन्ही प्रकरणांचा समावेश असल्याने ही सुनावणी आज होण्याची शक्यता वर्तवली जात आहे. या सुनावणीदरम्यान नेमक काय होईल, याकडे सगळ्यांचे लक्ष लागलेले आहे.

शिवसेना आमदार अपात्र प्रकरणाची सुनावणी सुप्रीम कोर्टात सुरू आहे. एकीकडे राज्यात विधानसभा निवडणुकीचे वारे वाहायला लागले आहेत. तर दुसरीकडे या सुनावणीला गेल्या काही दिवसांपासून सातत्याने लांबणीवर टाकण्यात येत आहे. या आधी ही सुनावणी २ आठवडे लांबणीवर टाकली होती. त्यानंतर मंगळवारी देखील प्रकरण नंबर १ दिवसभर ऐकलं जाणार असल्याने आमदार अपात्रता प्रकरणी सुनावणी झाली नव्हती. त्यानंतर ही सुनावणी 18 सप्टेंबरला होईल असं बोललं जात होतं. मात्र आता ही सुनावणी आज आज होणार असल्याच समजत असल्याने राष्ट्रवादी आणि शिवसेनेचे याकडे लक्ष लागले आहे.