विशाळगडावरील अतिक्रमणाबाबत गेल्या कित्येक दिवसापासून शिवभक्तांचं आंदोलन सुरु आहे. विधान भवनाच्या बाहेर देखील शिवभक्तांकडून आंदोलन करण्यात आलं होत त्यावेळी शिवभक्त आक्रमक झालेले पाहायला मिळाले होते. पोलीसांकडून काही आंदोलकांना ताब्यात देखील घेण्यात आलं होतं. तर आता संभाजी राजे छत्रपती यांनीच चलो विशाळगडचा नारा दिला आहे. विशागडावरील अतिक्रमणा विरोधात हजारो शिवभक्त विशाळगडच्या दिशेने जाण्यास सज्ज झाले आहेत. कोल्हापूरातील भवानी मंडप परिसरात संभाजी राजे यांच्या हस्ते भवानी मातेची आरती होणार असून त्यानंतर शिवभक्त विशाळगडाच्या दिशेने रवाना होणार आहेत.