पुणे: पुणेकरांची चिंता वाढली आहे.पुण्यात झिका वायरसने (Pune Zika Virus) थैमान घातलं आहे. झिका रुग्णांची संख्या पुण्यात एकूण 15 वर गेली आहे. पुणे शहरात नव्यानं तीन रुग्ण आढळले आहेत.यामध्ये दोन गर्भवती महिला आणि एका मुलाचा समावेश आहे.पालिकेच्या आरोग्य विभागाकडून गर्भवती सर्वेक्षण केलं जात आहे. 31 महिलांच्या रक्ताचे नमुने तपासणीला पाठवण्यात आले आहेत. डेंग्यू आणि चिकन गुनियाच्या तुलनेत झिका वायरस हा फारसा प्रभावी नसल्याचं सांगितलं जात आहे.