वर्धा जिल्ह्यात संततधार पाऊस सुरु आहे. त्यामुळे या भागातील नदी नाल्यांना पूर आला आहे. राज्यात कोल्हापूर तसेच पुण्याला पावसाचा तडाखा बसलेला पाहायला मिळत आहे. अशातच वर्धा जिल्ह्यातील समुद्रपूर तालुक्याच्या वाघाडी नाल्याला पूर आला. या पूरात चार चाकी गाडी अडकली होती. गाडीत असलेल्या तिघांनी बचावासाठी झाडाचा सहारा घेतला. ही माहिती समुद्रपूरचे पोलीस निरीक्षक संतोष शेगावकर यांना मिळताच त्यांनी घटनास्थळी धाव घेतली. त्यांनी आपल्या सहकाऱ्यांच्या मदतीने या पूरात अडकलेल्या तिघांचे प्राण वाचवले. पोलीस निरीक्षक आणि त्यांच्या सहकाऱ्यांच्या या धाडसाचे सर्वत्र कौतुक केले जात आहे.