झिका व्हायरस: पुण्यातील हडपसरमध्ये झिका व्हायरसचा आणखी एक रुग्ण आढळून आला आहे.आता पुण्यातील झिकाची रुग्णांची संख्या तीनवर पोहोचली आहे.पुण्यात झिकाचे रुग्ण (Zika Virus) वाढत असल्याने पुणेकरांची चिंता वाढली आहे.काल कोथरुड परिसरात 2 रुग्ण झिकाचे आढळून आले होते,आणि आज पुन्हा हडपसरमध्ये आणखी एक रुग्ण आढळ्याने टेन्शन वाढलं आहे.झिकाचा संसर्ग वाढू नये यासाठी पुणे महानगरपालिकेने अनेक उपाययोजना देखील सुरु केल्या आहेत.सांडपाणी हे साठवून ठेवू नये असं आवाहन पुणे पालिकेकडून करण्यात आलं आहे.मिळालेल्या माहितीनुसार, दोन दिवसात वारी पुण्यात दाखल होणार आहे.त्याच पार्श्वभूमिवर पुणे पालिका प्रशासनाला खबरदारी घेणं गरजेचं आहे.त्यासाठी पालिकेकडून अनेक ठिकाणी उपाययोजना करण्यात आल्या आहेत.