ठाणेकरांसाठी दिलासादायक बातमी आहे. ठाणे शहरात पहिली मेट्रोसेवा लवकरचं सुरु होण्याच्या मार्गावर आहे. आजपासून या मेट्रोची पहिली ट्रायल रन सुरु होणार आहे. गायमुख येथे मुख्यमंत्री देवेंद्र फडणवीस यांच्या हस्ते उद्घाटन केले जाणार आहे. मुख्यमंत्री आणि उपमुख्यमंत्री यांच्या उपस्थितीत नवरात्रीच्या पहिल्या दिवशी ही ट्रायल रन पार पडणार आहे. ठाणेकरांच्या वाहतुकीसाठी हा टप्पा महत्वाचा मानला जातो. मेट्रो सुरू झाल्यानंतर शहरातील वाहतूककोंडीला मोठा दिलासा मिळणार असून प्रवाशांचा अमूल्य वेळही वाचणार आहे. दररोजच्या प्रवासात होणारी कोंडी, प्रदूषण आणि ताणतणाव यामध्येही घट होणार आहे. ठाणेकरांच्या दीर्घ प्रतीक्षेला आता पूर्णविराम मिळणार असून लवकरच मेट्रोसेवा नागरिकांच्या सेवेत दाखल होणार आहे. त्यामुळे ठाणेकरांमध्ये उत्साहाचे वातावरण आहे.

ठाणे मेट्रोची १० स्थानकं पुढिल प्रमाणे : -

कॅडबरी, माजीवडा, कापूरबावडी, मानपाडा, टिकूजी-नी-वाडी, डोंगरी पाडा, विजय गार्डन, कासारवडवली, गोवानिवाडा आणि गायमुख