मुंबई: लोकसभेनंतर आता आगामी विधानसभा निवडणुकीच्या तयारीला सर्व पक्ष लागले आहेत. सर्वच पक्षांनी मोर्चेबांधणी सुरु केली आहे. दरम्यान मविआचा विधानसभेचा जागावाटपाचा फॉर्म्युला ठरल्याचं देखील बोललं जात आहे. दरम्यान ठाकरे गट विधानसभेसाठी बालेकिल्ला असलेल्या 25 जागांसाठी आग्रही असल्याची माहिती समोर येत आहे. सुत्रांनी दिलेल्या माहितीनुसार, एकूण 36 पैकी 25 जागांसाठी ठाकरे गट आग्रही आहे, राष्ट्रवादी शरद पवार गट आणि काँग्रेससोबत काही जागांची अदलाबदल देखील केली जाणार आहे. वांद्रे पश्चिममधून वरुण सरदेसाई आणि तेजस्वी घोसाळकरांना विधानसभेसाठी संधी मिळण्याची शक्यता आहे.