Tanaji Sawant On Omraje Nimbalkar | आरोग्यमंत्री तानाजी सावंत यांनी उस्मानाबाद मतदार संघाचे महाविकास आघाडीचे उमेदवार ओमराजे निंबाळकरांवर गंभीर आरोप केलेत. तेरणा कारखान्यातील 1 कोटींचं भंगार ओमराजेंनी विकलं असा आरोप त्यांनी केलाय. सुधाकर जवळे पाटील नावाच्या माणसाला ओमराजेंनी भंगार विकलं असं तानाजी सावंत धाराशिवच्या सभेत म्हणाले. आरोग्यमंत्री तानाजी सावंत यांची कळंब तालुक्यातील मोहा येथे सभा पार पडली. महायुतीच्या उमेदवार अर्चना पाटील यांच्या प्रचारार्थ ही सभा होती. त्या सभेमध्ये पुन्हा एकदा सावंतांनी ओमराजेंवर निशाणा साधला. तेरणा कारखान्यातील 1 कोटींचं भंगार ओमराजेंनी विकलं असा गंभीर आरोप त्यांनी या सभेमध्ये केलाय.