आपल्याला कोणी जर लग्नाचे आमंत्रण दिले तर समोरच्याला पहिले विचारा की तुम्ही हुंडा किती दिला? असा थेट सवाल तुम्ही समोरच्याला विचारा आणि तो उत्साहाच्या भरात सांगेल पण अशा लग्नाना आजपासून जायचे नाही असे आवाहन खासदार सुप्रिया सुळे यांनी केले. पुणे येथे ते एका भाषणात बोलत होत्या. रुखवत दाखवता तिथे गाडी दिसली तर विचारायचे कोणाच्या नावावर आहे? कोणी दिली? गाडीचे पैसे कोणी दिले? हे विचारूनच लग्नाला जा असे सुप्रिया सुळे म्हणाल्या.

वैष्णवी हगवणे प्रकरणानंतर संपूर्ण राज्यात संतापाची लाट उसळली होती. हगवणे कुटुंब किती हावरट आहे हे त्यांच्या करनाम्याने समोर आले. याच पार्श्वभूमीवर खासदार सुप्रिया सुळे यांनी भाष्य करत लोकांना हुंडा घेणाऱ्यांच्या लग्नाला न जाण्याचे आवाहन केले.