Eknath Shinde vs Uddhav Thackeray, Shivsena : शिवसेना पक्ष आणि धनुष्यबाण चिन्हासंदर्भात आज सुप्रीम कोर्टात अंतिम सुनावणी होणार आहे. कायदेतज्ज्ञ असीम सरोदेंनी याबाबतची माहिती दिलीय...आजचा निकाल ठाकरेंच्या बाजूनं लागणार असल्याचा विश्वास त्यांनी व्यक्त केलाय. तर धनुष्यबाण शिंदेसेनेकडेच राहणार असल्याचा दावा शिंदेसेनेचे मंत्री गुलाबराव पाटील यांनी केलाय. त्यामुळे आजच्या सुप्रीम कोर्टाच्या निर्णयाकडे सर्वांचं लक्ष लागलंय.

शिवसेना धनुष्यबाण चिन्हाबाबत उद्या अंतिम सुनावणी घेणार असे सर्वोच्च न्यायालयाने जाहीर केले आहे. दिनांक 8 ऑक्टोम्बर ला जस्टीस सूर्यकांत नक्की सुनावणी घेतील अशी अपेक्षा आहे. इकडे मोदी बांधून तयार नसलेल्या विमानतळाचे नवी मुंबईत दिखाऊ उदघाटन करणार आणि त्याचवेळी संविधानासोबत अनैतिकता करून सत्तेच्या हवेत असलेल्या एकनाथ शिंदे यांचे विमान सर्वोच्च न्यायालय जमिनीवर पाडणार का? लवकरच कळेल, असे ट्वीट असीम सरोदे यांनी केलेय.