देशातील विविध महानगरांमध्ये वाढतं प्रदूषण चिंतेचा विषय बनला आहे. याच पार्श्वभूमीवर पेट्रोल आणि डिझेलवर चालणाऱ्या अलिशान वाहनांवर टप्प्याटप्प्याने बंदी आणण्याचा विचार करावा अशी सूचना सुप्रीम कोर्टाने केंद्र सरकारला केली आहे. इलेक्ट्रिक वाहनांना प्रोत्साहन देण्यासाठी केंद्र सरकारने धोरण अंमलात आणावं, अशी मागणी करणारी जनहित याचिका सुप्रीम कोर्टात दाखल करण्यात आली होती. या याचिकेवर सुनावणी करताना देशात इलेक्ट्रिक वाहनांचा वापर वाढावा असं कोर्टाने म्हटलं. सर्वात आधी लक्झरी वाहनांवर बंदी घालण्याचा विचार करा. त्याचा सामान्य माणसावर कोणताही परिणाम होणार नाही, असंही सुप्रीम कोर्टाने सुचवलं आहे.