भोकर विधानसभा मतदारसंघाच्या भाजपच्या उमेदवार श्रीजया अशोक चव्हाण यांच्या आणि लोकसभा पोट निवडणुकीचे भाजपाचे उमेदवार संतुक हंबर्डे यांच्या प्रचारार्थ आंध्रप्रदेशचे उपमुख्यमंत्री सुपरस्टार पवन कल्याण यांची प्रचार सभा भोकर तालुक्यातील पाळज येथे पार पडली. या सभेत पवन कल्याण यांनी आपल्या भाषणाची सुरुवात मराठीमधून केली, तर भाजपाच्या उमेदवार श्रीजया चव्हाण यांनी तेलगूमधून भाषण करून मतदारांना साद घातली. भोकर विधानसभा मतदारसंघातील भोकर हा तालुका तेलंगणा राज्याच्या सीमेवर आहे. ये तालुक्यातील बहुतांश नागरिक तेलगू भाषा बोलतात. येथील नागरिकांचा तेलंगणा राज्यासोबत रोटी बेटीचा व्यवहार असतो. त्यामुळे भोकर मधील नागरिकांना त्यांच्याच भाषेत प्रचार करण्यासाठी भाजपाने आंध्रप्रदेशचे उपमुख्यमंत्री सुपरस्टार पवन कल्याण यांना मैदानात उतरविले. यावेळी पवन कल्याण यांनी मात्र आपल्या भाषणाची सुरुवात मराठीमधून केली. दरम्यान श्रीजया चव्हाण यांना जवळपास पाच ते सहा भाषा येतात. त्यामुळे श्रीजया चव्हाण यांनी तेलगू भाषेमधून भाषण ठोकले आणि तेलगू भाषिक मतदारांना साद घातली.

Edited By Rakhi Rajput