बिहार विधासभेमध्ये जवळपास एनडीएचा विजय निश्चित मानला जात आहे. या विजयाचा जल्लोष आता महाराष्ट्रामध्ये देखील सुरू झाला असून सत्ताधारी नेत्यांनी यावर प्रतिक्रिया दिली आहे. हा केवळ विजय नसून विकासाचा आणि विश्वासाचा विजय आहे, असे भाजपचे नेते सुधीर मुंनगंटीवार यांनी बिहारच्या निकालावर भाष्य करताना सांगितले. ते पुढे म्हणाले, केंद्र सरकारच्या फायव्ह ट्रिलियन डॉलर इकॉनॉमी आणि २०४७ पर्यंत श्रेष्ठ भारत निर्माण करण्याचा संकल्प उल्लेख आहे. ‘हमारा बिहार श्रेष्ठ बिहार’ या संकल्पनेने जनतेची मने जिंकल्याचे त्यांनी म्हटले. काँग्रेस आणि आरजेडीच्या काळात जंगलराज होता. आयएएस अधिकाऱ्याच्या पत्नीवरील अत्याचार आणि गाड्यांच्या चोऱ्या, विजेची समस्या होती आणि त्यावेळी जो काही अंधकारमय होता. जनतेने तो काळ नाकारल्याचे त्यांनी सांगितले.