पुणे: फुरसूंगी व परिसरात काल सायंकाळी पाच वाजेच्या सुमारास विजेचा कडकडाट, वादळी वाऱ्यांसह तूफान पाऊस झाला. वादळी वाऱ्यासह पावसाने पुणे शहरासह आजूबाजूंच्या गावांना झोडपून काढले. सलग एक ते दीड तास सोमवारी धो धो अवकाळी पाऊस पडल्यामुळे सर्वच रस्त्यांवर पाणीच पाणी झाले होते. फुरसूंगी भागात सायंकाळच्या सुमारास पावसाने हाहाकार माजवला. यामुळे पार्किंगचे पत्रे उडून गेल्याचे दिसून आले. सुमारे तासभर चाललेल्या या मुसळधार पावसामुळे परिसरातील रस्त्यांवर पाणीच पाणी साचले होते. दुपारी साडे चारच्या सुमारास अचानक झालेल्या ढगाळ वातावरणानंतर काही क्षणांतच वादळी वाऱ्यासाह पावसाला सुरुवात झाली. वादळी वारा आणि मुसळधार पावसामुळे काही ठिकाणी मोठ मोठे होर्डींग कोसळल्याच्या घटना देखील घडल्या.