भाजप युवा मोर्चाचे पुणे जिल्हाध्यक्ष वैभव सोलनकर यांच्या गाडीवर अज्ञात व्यक्तींनी जीवघेणा हल्ला केलाय. शेटफळेगडे येथील शेतकऱ्यांची बैठक संपवून सोलनकर घरी परतत होते. त्यावेळी पालखी महामार्गालगतच्या कान्हेरी रोडवर हा हल्ला झाला.

​विना नंबरप्लेटच्या दोन दुचाकींवरून आलेल्या अज्ञात इसमांनी सोलनकर यांच्या गाडीवर जोरदार दगडफेक केली. हल्लेखोरांपैकी एकाच्या हातात कोयता असल्याचा दावा वैभव सोलनकर यांनी केला आहे. घटनेची माहिती मिळताच पोलिसांनी तातडीने घटनास्थळी धाव घेतली. फरार हल्लेखोरांचा शोध आणि पुढील तपास सुरू आहे. या घटनेमुळे परिसरात एकच खळबळ उडाली आहे.