गेल्या पाच महिन्यांत शेअर बाजारात मोठ्या प्रमाणावर घसरण झाली आहे, ज्यामुळे अनेक दिग्गज उद्योजक आणि गुंतवणूकदारांचे हजारो कोटी रुपयांचे नुकसान झाले आहे. शेअर बाजाराचे दर मोठ्या प्रमाणात कोसळल्याने ‘बिग बुल’ मानल्या जाणाऱ्या गुंतवणूकदारांनाही याचा फटका बसला आहे.

81 हजार कोटींचे नुकसान

देशातील दिग्गज गुंतवणूकदारांचे एकूण 81 हजार कोटी रुपयांचे नुकसान झाले आहे. यात राधाकृष्ण दमानी, झुनझुनवाला परिवार, आकाश भन्साळी आणि हेमेंद्र कोठारी यांसारख्या प्रमुख गुंतवणूकदारांचा समावेश आहे.

डी-मार्टचे संस्थापक राधाकृष्ण दमानी यांचे तब्बल 64 हजार कोटी रुपयांचे नुकसान झाले आहे.

झुनझुनवाला परिवाराचे 8473 कोटी रुपयांचे नुकसान झाले आहे.

आकाश भन्साळी यांना 1406 कोटी रुपयांचा तोटा सहन करावा लागला आहे.

हेमेंद्र कोठारी यांचे 804 कोटी रुपयांचे नुकसान झाले आहे.