Smart Meeter Light Bill : नागपूरमध्ये छतावर (Rooftop) लाखो रुपये खर्च करून सोलर यंत्रणा (Solar System) बसवणाऱ्या ग्राहकांना महावितरणने मोठा झटका दिला आहे. नवीन स्मार्ट मीटर (Smart Meters) बसवल्यानंतर अनेक सोलर धारकांना थेट १०,००० रुपयांपासून ते १ लाख रुपयांपर्यंतची अवाजवी वीज बिलं आली आहेत.

प्राथमिक अंदाजानुसार, स्मार्ट मीटरच्या सॉफ्टवेअरमधील तांत्रिक बिघाडामुळे (Technical Glitch) सोलरद्वारे तयार झालेल्या विजेची (Solar Generation) योग्य नोंदच मीटरमध्ये झालेली नाही. लाखो रुपये खर्चूनही हजारो-लाखो रुपयांची बिलं आल्याने ग्राहकांनी तीव्र संताप व्यक्त केला आहे. महावितरणने या गंभीर प्रकरणाची दखल घेतली असून या संपूर्ण प्रकरणाच्या सखोल चौकशीचे आदेश दिले आहेत.