सिंधुदुर्ग जिल्ह्यातील तिलारी कालव्याला भगदाड पडल्याने, लाखो लिटर पाणी वाया गेले, तसेच शेतजमीन सुद्धा पाण्याखाली गेली आहे.

दोडामार्ग तिलारी धरणाच्या डाव्या मुख्य कालव्याला कुडासे धनगरवाडी येथे, शनिवारी भगदाड पडल्याने लाखो लिटर पाणी वाया गेले. हे पाणी कुडासे वानोशी रस्त्यावर आल्याने रस्त्याला नदीचे स्वरूप प्राप्त झाले होते. तसेच हे पाणी परीसरात शेतकऱ्यांच्या शेतात बागायती मध्ये शिरले. या कालव्यातून गोवा राज्याला होणारा पाणी पुरवठा त्यामुळे बंद करण्यात आला आहे. मात्र वारंवार कालव्यातून होणारी पाणी गळती व कालव्याच्या सुरक्षेचा प्रश्न पुन्हा ऐरणीवर आला आहे.