हिमाचल प्रदेशातील कुल्लू-मनाली परिसरातून थरारक अपघाताचा एक व्हिडिओ समोर आला आहे. या व्हिडिओत एक कार उताराच्या रस्त्यावरून दरीकडे जाताना दिसतेय. कार घसरू नये म्हणून काही नागरिकांनी ती रोखण्याचा प्रयत्न केला, मात्र त्यांच्या सर्व प्रयत्नांना अपयश आलं. थोड्याच वेळात ही कार दरीत कोसळली. सुदैवाने कार चालवत असलेल्या चालकाने प्रसंगावधान राखत तात्काळ कारमधून उडी मारली आणि त्याचा जीव वाचला. मात्र, कारचा चक्काचूर झाला आहे. या घटनेचा व्हिडिओ सध्या सोशल मीडियावर जोरदार व्हायरल होत असून, तो कुल्लू-मनाली परिसरातील असल्याचं बोललं जातंय.