छत्रपती संभाजीनगरमध्ये भयंकर घटना घडली. एका माथेफिरूने पेट्रोल पंप जाळून टाकण्याचा प्रयत्न केला. वैजापूर शहरातील मध्यवर्ती ठिकाणी असलेल्या बोथरा पेट्रोल पंपावर ही घटना घडली. एक माथेफिरूने पेट्रोल टाकून पेट्रोल पंपाला आग लावण्याचा प्रयत्न केला. ही घटना सोमवारी रात्री साडेनऊ वाजेताच्या सुमारास घडली.

या माथेफिरूने बॉटलमध्ये पेट्रोल आणले होते. हे पेट्रोल त्याने पंपाच्या परिसरात जमिनीवर टाकले आणि नंतर आग लावत तिथून पसार झाला. यानंतर पेट्रोल पंपाला आग लागली. हा घडलेला सर्व प्रकार सीसीटीव्ही कॅमेऱ्यात कैद झाला आहे. पेट्रोल पंपावर उपस्थित कर्मचाऱ्यांनी वेळेच आग विझवल्याने मोठा अनर्थ टळला. या घटनेचा व्हिडीओ व्हायरल होत आहे. या प्रकरणी पोलिस ठाण्यात तक्रार दाखल करण्यात आली असून पोलिस आरोपीचा शोध घेत आहेत.