उत्तर प्रदेश, गुजरातसह कोणत्याही राज्यात निवडणूक घेतली तरी भाजपचा पराभव निश्चित आहे. मोदींचा कृत्रिम मुखवटा पूर्णपणे उतरला आहे. महाराष्ट्रातील विधानसभा निवडणुकीत महाविकास आघाडी 175 ते 180 जागा जिंकतील आणि भाजपचा पराभव होईल, असा घणाघात शिवसेना उद्धव ठाकरे गटाचे खासदार संजय राऊत यांनी केला आहे. हरियाणा आणि जम्मू काश्मीर विधानसभा निवडणुकीचे कल हाती येत आहेत. मतमोजणीच्या सुरुवातील काँग्रेस आघाडीवर होती. मात्र काही वेळाने भाजपने मुसंडी मारत काँग्रेसला पिछाडीवर टाकले आहे. यावर संजय राऊत यांनी प्रतिक्रिया दिली आहे. हरियाणात भाजप विरोधी लाट आहे. अंतिम निकालावेळी हरियाणात काँग्रेस विजयी होणार, असा विश्वास राऊत यांनी व्यक्त केला आहे.

मोदींचा कृत्रिम मुखवटा पूर्णपणे उतरला आहे. सध्या हरियाणामध्ये भाजप, मोदा आणि अमित शाह विरोधात लाट आहे आणि तेथील जनता यावेळी कोणत्याही परिस्थिती भाजपला निवडून देणार नाही. निवडणुकीचे कल सध्या येणे सुरू आहे. हरियाणात काँग्रेस आणि जम्मू काश्मीरमध्ये काँग्रेस नॅशनल कॉन्फरेन्स आघाडीची सरकार येईल, असा विश्वास संजय राऊत यांनी व्यक्त केला. जम्मू काश्मीरमध्ये 370 सह इतर मोठमोठ्या गोष्टी करत होते, अखेर काश्मीरच्या जनतेने मोदी, अमित शहा आणि भाजपला राज्यातून हद्दपार केले, असा टोला देखील राऊत यांनी यावेळी लगावला आहे.