मुंबई : मनसेने बॅनरच्या माध्यमातून आदित्य ठाकरे (Aditya Thackeray) यांच्यावर निशाणा साधलाय. आदित्य ठाकरे यांच्या वरळी विधानसभा मतदार संघातच बॅनर लावून महाराष्ट्र नवनिर्माण सेनेच्या (MNS Politics) कार्यकर्त्यांनी आदित्य ठाकरे यांना टार्गेट केलंय. इतकंच काय तर वरळीतून (Worli News) मनसेचा भावी उमेदवार कोण असेल, याबाबतच सूचक संकेत दिलेत. बर्फातला प्राणी बर्फातच पाठवुयात, असा टोला लगावत मनसेनं आदित्य ठाकरे यांच्याविरोधात बॅनर लावण्यात आले आहे. या बॅनरची वरळीच चर्चा रंगलीय. मनसेच्या हॅषल खरात या कार्यकर्त्याने हा बॅनर लावल्याची माहिती मिळतेय. या बॅनरच्या माध्यमातून संदिप देशपांडे यांना निवडून आणण्यासाठी 'मनसे' आवाहनही करण्यात आल्याचं पाहायला मिळालंय.