Shiv Sena gives same AB form to two candidates : शिवसेनेकडून पुण्यात दोन उमेदवारांना एकच एबी फॉर्म देण्यात आला. त्यामुळे संतापलेल्या एका उमेदवाराने थेट प्रतिस्पर्धी असलेल्या दुसऱ्या उमेदवाराचा एबी फॉर्म गिळून टाकला. शिवसेनेकडून उद्धव कांबळे आणि मच्छिंद्र ढवळे या दोन उमेदवारांना प्रभाग क्रमांक 34 मधून एकच ए.बी. फॉर्म देण्यात आला. ही बाब काल छाननी प्रक्रियेच्या वेळेस उघडकीस आली.

निवडणूक निर्णय अधिकाऱ्यांनी मला क्षेत्रीय कार्यालयात चर्चा करण्यासाठी बोलवलं होतं. इथे आल्यानंतर मला त्यांनी सांगितलं की माझा प्रतिस्पर्धी कांबळे यांनी माझा AB फॉर्म फाडला आहे. त्यांनी तो फॉर्म पाडला आणि खाऊन टाकला. मी अधिकृत उमेदवार आहे पक्षाचा कारण मी आधी फॉर्म भरला होता अशी प्रतिक्रिया मच्छिंद्र ढवळे यांनी दिली आहे. आता निवडणूक आयोग मला पत्र पाठवणार आहे. यावर आता पक्ष निर्णय घेईल कारण पक्षाने मला अधिकृत उमेदवारी दिली होती. ते देखील आमच्या पक्षातले आमचे मित्र आमचे वैर नाही असं ही ढवळे म्हणाले. दरम्यान, या सगळ्या घटने प्रकरणी आता भारती विद्यापीठ पोलीस ठाण्यात उद्धव कांबळे यांच्यावर सरकारी कामात अडथळा आणल्या प्रकरणी गुन्हा दाखल करण्यात आला आहे.