पुण्यानंतर शिरुरमध्ये एका अल्पवयीन मुलीनं दुचाकीस्वाराला चिरडलंय. एका पोलीस पाटलाच्या मुलीनं दोन तरुणांना जीपखाली चिरडलं आहे. या घटनेत एका तरुणाचा जागीच मृत्यू झाला आहे. तर एकजण गंभीर जखमी झाला आहे. जखमीला उपचारासाठी रुग्णालयात दाखल करण्यात आलं आहे. परंतु या घटनेनं परिसरात एकच मोठी खळबळ उडाली आहे. अरुण मेमाणे असं मृत्यूमुखी पडलेल्या तरुणाचं नाव आहे. तर अपघातात महिंद्र बांडे हा तरुण गंभीर जखमी झाला आहे.