मुंबई : एकनाथ शिंदे यांच्यासोबत जाण्याचा जर मी उठाव केला नसता, तर या दोन वर्षाची कोट्यावधी रुपयांची कामे झाली ती झाली नसती. हे तुम्हाला मान्य करावे लागेल, असं वक्तव्य गुलाबराव पाटील यांनी जळगाव जिल्ह्यामध्ये एका सभेत बोलताना केलंय. यासोबतच त्यांनी ठाकरे गटावर हल्लाबोल केलाय. तुमचा पैलवान आमच्यासमोर उतरवा, असं गुलाबराव पाटील यांनी संजय राऊत यांना खुलं चॅलेंज दिलंय. उद्धव ठाकरेंनाच माझ्या समोर उभं करा, असं गुलाबराव पाटील यांनी संजय राऊत यांना खुलं आव्हान दिलंय.

तुम्ही बोलले होते ना ज्या चाळीस ठिकाणी कुठून गेलेले लोक उभे आहेत. त्या ठिकाणी आम्ही ४० शिवसैनिक उभे करू, तर किधर है तेरा शिवसैनिक? असं म्हणत गुलाबराव पाटील यांनी संजय राऊतांना सवाल विचारला आहे. कोण आमच्यासमोर उभा राहिला तयार आहे? हे सर्व पळकुटे आहेत. त्यांना या ठिकाणी आयात केलेला उमेदवार आणावा लागेल, दत्तक पुत्र निश्चित करावा लागेल अशी टीका गुलाबराव पाटील यांनी केलीय.