'गद्दारांच काय करायचं' असा प्रश्न विचारणी एक चिठ्ठी शरद पवार यांना प्रचार सभेदरम्यान मिळाली. त्यानंतर यावर शरद पवार यांनी या चिठ्ठीला उत्तर देत भर सभेत गद्दारांना पाडा असं सांगितलं आहे.

वाई येथील राष्ट्रवादी शरदचंद्र पवार गटाच्या उमेदवार अरुणादेवी पिसाळ यांच्या प्रचारार्थ वाई शहरात आज शरद पवार यांच्या उपस्थितीत प्रचार सभा पार पडली. यावेळी भाषण करताना शरद पवार यांना एक चिठ्ठी आली. यात 'गद्दारांच काय करायचं' याबाबत लिहिलं होतं. याबद्दल सांगुन आलेली चिठ्ठी शरद पवार यांनी वाचून दाखवत लगेच चिठ्ठीचं उत्तर देखील दिलं. 'जो कोणी गद्दार असेल त्यांना पाडा पाडा पाडा ..', असं उपस्थितांना शरद पवार यांनी सांगितलं.

Edited By Rakhi Rajput