Sharad Pawar Pune | वडगाव शेरी येथे मविआचे उमेदवार रवींद्र धंगेकर यांची सभा होणार होती. या धंगेकरांसाठी शरद पवार सभा घेणार होते. मात्र पावसामुळे शरद पवारांची सभा रद्द करण्यात आली आहे. पुण्याला अवकाळी पावसाचा फटका बसलाय. ऐन लोकसभा निवडणुकीच्या प्रचारावेळी पुण्याला पावसाने चांगलंच झोडपलंय. आज पुण्यात अनेक दिग्गजांच्या सभा पार पडणार होत्या. त्यात शरद पवारांची सभा देखील होती. पण शरद पवारांची सभा पावसामुळे रद्द करण्यात आलीये. पुण्यात होणारी महाविकास आघाडीची सभा अखेर रद्द करण्यात आलीये. पुण्यातील वडगाव शेरी भागात आज शरद पवार आणि आदित्य ठाकरे यांची एकत्रित सभा होणार होती. मात्र दुपारी आलेल्या पावसाने सभास्थळी मोठं पाणी जमा झालं आहे. यामुळे आयोजकांनी ही सभा रद्द करण्याचा निर्णय घेतलाय.