बारामती : शरद पवार (Sharad Pawar News Today) यांनी शेतकऱ्यांना मोलाचा सल्ला दिलाय. जमीन विकू नका, असं म्हणत बारामतीतून (Baramati News) शरद पवार यांनी शेतकऱ्यांना साद घातली. पुणेकर ,मुंबईकर, गावात येतील. पण त्यांना जमीन विकू नका, असं शरद पवार यांनी म्हटलंय. ते बारामतीत आयोजित करण्यात आलेल्या एका कार्यक्रमात बोलत होते. अनेकदा शेतकरी आर्थिक संकंटात आणि नापिकीमुळे शेत जमीन विकतात. पण शेतकऱ्यांचा हा निर्णय दूरदृष्टीने विचार करून घेतलेला नसतो. त्यामुळे तात्पुरत्या आर्थिक तडजोडीसाठी शेतकऱ्यांनी शेतजमीन विकू नये, असं आवाहन शरद पवार यांनी केलंय.