Sharad Pawar and Ajit Pawar reunification news : शरद पवारांची राष्ट्रवादी काँग्रेस आणि अजित पवार यांची राष्ट्रवादी काँग्रेसचे विलीनीकरण होणार असल्याचे संकेत मिळाले आहे. पुणे आणि पिंपरी चिंचवड महापालिकेसाठी दोन्ही राष्ट्रवादी काँग्रेस एकत्र आल्या. त्यानंतर विलीकरणाच्या चर्चेने जोर धरला. दोन्ही राष्ट्रवादी काँग्रेस एकत्र येणार का? यावर बोलताना अजित पवार यांनी सूचक वक्तव्य केले. ते म्हणाले झालं गेलं गंगेला मिळाले, आता ऐकोप्याने काम करायचं. अजित पवार यांच्या या वक्तव्याने दोन्ही राष्ट्रवादी काँग्रेसचे विलीनीकरण होणार असल्याच्या चर्चा पुन्हा सुरू झाल्या. यावर अद्याप शरद पवार यांच्या राष्ट्रवादी काँग्रेसच्या नेत्याकडून कोणतीही प्रतिक्रिया आलेली नाही.

पुणे आणि पिंपरी चिंचवड महानगरपालिका निवडणुकीत दोन्ही राष्ट्रवादी एकत्र लढत आहेत. त्यामुळं पुढच्या काळात दोन्ही राष्ट्रवादीचं विलीनीकरण होणार का? असा प्रश्न पडत आहे. याच पार्श्वभूमीवर राज्याचे उपमुख्यमंत्री अजित पवार यांनी मोठं वक्तव्य केलंय. मागचं झालं गेलं गंगेला मिळालं, आता आपण एकोप्याने काम करायचं आहे. साहेबांचं नेतृत्व म्हणजे पुढची दृष्टी असणारं नेतृत्व आहे, असे अजित पवार म्हणाले. त्यांच्या या वक्तव्यामुळं दोन्ही राष्ट्रवादीचं विलीनीकरण होणार असल्याचे संकेत मिळत आहेत.