सांगोला नगरपरिषद निवडणुकीत शिंदेसेनेने मोठा विजय मिळवला आहे. शिंदेसेनेचा नगराध्यक्ष निवडून आला असून आमदार शहाजी बापू पाटील यांच्या उमेदवाराने बाजी मारली आहे. या निकालामुळे सांगोल्यात शिंदेसेनेची ताकद वाढली असून कार्यकर्त्यांकडून जल्लोष सुरू आहे. स्थानिक राजकारणात हा विजय महत्त्वाचा मानला जात आहे. सोलापूर जिल्ह्यातील नगरपरिषदांच्या निवडणुकांमध्ये भाजप आणि शिवसेनेची युती झाली असती तर आणखी निकाल वेगळा दिसला असता परंतु तशीरचना झाली नाही अशी खंत शिवसेनेचे सांगोल्याचे माजी आमदार शहाजी बापू पाटील यांनी व्यक्त केली आहे.

सांगोला नगरपरिषदेच्या नगराध्यक्षपदी शिवसेनेचे उमेदवार आनंदा माने हे जवळपास पाच हजाराहून अधिक मतांनी विजयी झाले आहेत. त्यांनी शेतकरी कामगार पक्ष भाजप युतीचे उमेदवार मारुती बनकर यांचा पराभव केला आहे. नगराध्यक्ष पदाबरोबरच 12 जागांवर शिवसेनेने बाजी मारली आहे. निवडणुकीचा निकाल जाहीर होताच शहाजी बापू पाटील व त्यांच्या कार्यकर्त्यांनी जल्लोष केला.