भाजपचे ज्येष्ठ नेते लालकृष्ण अडवाणी यांची तब्येत खालावली आहे. दिल्लीतील एम्स रुग्णालयात दाखल करण्यात आलं आहे, आठवड्यात दुसऱ्या वेळा त्यांना उपचारासाठी रुग्णालयात दाखल करण्यात येत आहे. बुधवारी रात्री उशिरा अडवाणी यांना त्रास जाणवू लागल्याने त्यांना रुग्णालयात दाखल करण्यात आलं. सध्या त्यांना युरोलॉजी विभागाच्या डॉक्टरांच्या निरिक्षणाखाली ठेवण्यात आलं आहे. एकाच आठवड्यात दोन वेळा रुग्णालयात दाखल करावे लागल्याने सगळीकडेच चिंता व्यक्त केली जात आहे. अडवाणी यांची प्रकृती स्थिर असल्याची माहिती डॉक्टरांनी दिली आहे.