छत्तीसगडच्या सुकमा जिल्ह्यात सुरक्षा दलांशी झालेल्या चकमकीत 5 लाख रुपयांचे बक्षीस असलेल्या ३ नक्षलवाद्यांचा खात्मा करण्यात आला आहे. तुमलपाड गावाजवळ ही चकमक झाल्याचाी माहिती मिळत आहे. बस्तरचे पोलीस महासंचालक पी सुंदरराज यांनी घटनेला दुजोरा दिलाय. छत्तीसगडमधील सुकमा पोलिसांनी तीन नक्षलवाद्यांच्या मृत्युला दुजोरा दिला आहे. मिलिशिया कमांडर आणि स्नायपर स्पेशालिस्ट माधवी देवा याचा या चकमकीत मृत्यू झालाय. या चकमकीत पोद्यम गांगी आणि सोडी गांगी या दोन महिला माओवादी देखील होत्या. त्यांचाही मृत्यू झाला आहे. जिल्हा राखीव गार्डच्या पथकांनी घटनास्थळावरून 303 रायफल, बीजीएल लाँचर्स आणि दारूगोळा जप्त केलाय. पोलिसांनी या प्रकरणी पुढील शोध मोहीम सुरू केली आहे.