पंढरपूरच्या विठ्ठल मंदिरात भुयार आढळले आहे. हे भुयार सात ते आठ फुट खोलीचे आहे. कान्होपात्रा मंदिराजवळ हे भुयार आढळले असून या भुयारात एखादी मुर्ती असण्याची शक्यता वर्तवण्यात येत आहे. या भुयाराची पाहणी करण्यासाठी पुरातत्व विभागाचे अधिकारी मंदिरात दाखल झाले आहेत. मंदिरात भुयार आढळल्याची माहिती मंदिर समितीचे मुख्य अधिकारी राजेंद्र शेळके यांनी ही माहिती दिली आहे. या भुयारामुळे मंदिराचा नवीन इतिहासावर प्रकाश पडेल असे सांगितले जात आहे. तर दुसरीकडे विठ्ठल रुक्मीणी मंदिराचे मूळ रुप समोर येणार आहे. या मंदिराचे नुतणीकरणाचे काम पूर्ण झाले असून भाविकांना पदस्पर्श दर्शनाचा लाभ घेता येणार आहे.