सातपुडा पर्वतरांगांमध्ये सध्या सुरु असलेल्या संततधार पावसामुळे निसर्गाचं सौंदर्य खुलून आलं आहे. हिरवाईच्या गालिच्यावर पावसाच्या सरींचं साजिरं नटनं पर्यटकांना आकर्षित करत आहे. परिणामी, राज्यभरातून आणि बाहेरूनही मोठ्या प्रमाणात पर्यटक वर्षा पर्यटनाचा आनंद घेण्यासाठी सातपुड्याच्या कुशीत दाखल झाले आहेत.

मात्र, या निसर्गसौंदर्याचा आनंद घेताना अनेक पर्यटकांनी सुरक्षिततेच्या नियमांकडे दुर्लक्ष केलं आहे. काही ठिकाणी पर्यटक पुराच्या पाण्यातून धाडसाने वाहने चालवताना आणि प्रवास करताना दिसून येत आहेत. त्याचबरोबर काही जण धबधब्याजवळ जीवघेण्या स्टंटबाजी करत असून, यामुळे अपघाताचा धोका वाढला आहे. स्थानिक प्रशासनाने वारंवार सूचना देऊनही काही पर्यटक निष्काळजीपणे वागत असल्याचं दिसत आहे.