नंदुरबार जिल्ह्यातील प्रसिद्ध असलेल्या सातपुड्यातील बिलगाव येथील बारामुखी धबधबा हा मुसळधार पावसामुळे प्रवाहित झाला असून पर्यटकांसाठी आकर्षणाचा केंद्रबिंदू ठरत आहे. उदय नदीवर असलेल्या या धबधबातून बारा ठिकाणहून पाणी प्रवाहित होत असते. यामुळे हा धबधबा आकर्षक दिसत असतो. सातपुड्यातील सौंदर्याचा हा एक नमुनाच असून महाराष्ट्रसह जवळील गुजरात आणि मध्य प्रदेशातील अनेक पर्यटक या ठिकाणी धबधबा बघण्यासाठी येत असतात. स्थानिक आदिवासी बोली भाषेत याला बारधाऱ्या धबधबा म्हणून ओळख आहे.