vaibhavi santosh Deshmukh HSC Exam : सरपंच संतोष देशमुख यांची मुलगी वैभवी देशमुख आपल्या वडिलांना न्याय मिळण्यासाठी प्रत्येक आंदोलनात सहभागी झालेली आहे. अशातच दुःखाचा डोंगर डोक्यावर असताना वैभवी आज बारावीचा पहिला पेपर देणार आहे.

परीक्षेला जाण्यापूर्वी वैभवीने संतोष देशमुख यांच्या प्रतिमेचे दर्शन घेतले. जामखेड जवळील पाडळी गावातील महाविद्यालयात ती इंग्रजीचा पहिला पेपर देणार आहे. वडिलांचे दुःख बाजूला सारून वैभवी परीक्षेसाठी निघाली आहे. आजपर्यंत निघालेल्या प्रत्येक मोर्चात तिने वडिलांसाठी न्याय मागितला. याच संपूर्ण परिस्थितीत वैभवी ही परीक्षा देते आहे.

बीड जिल्ह्यातील 43 हजार 756 विद्यार्थी देणार परीक्षा

बारावीच्या परीक्षेला आज पासुन सुरूवात होत आहे. बीड जिल्ह्यातील ४३ हजार ७५६ विद्यार्थी या परीक्षेसाठी बसणार आहेत. बारावीच्या परीक्षा सुरळीत पार पाडण्यासाठी शिक्षण विभागाकडून परिपूर्ण नियोजन केले आहे. परीक्षा केंद्रावर पूर्णवेळ बैठे पथक राहणार असुन..सात भरारी पथकांची परीक्षा केंद्रांवर नजर राहणार आहे.. तसेच ४९ परीक्षा केंद्रावरील शिक्षक, कर्मचारी बदलले आहेत.. सर्व परीक्षा केंद्र जवळ कलम 144 मनाई आदेश लागू करण्यात आले आहेत..