कथित जोगेश्वरी भूखंड प्रकरणातून शिवसेना शिंदे गटाचे खासदार रवींद्र वायकर यांना आर्थिक गुन्हे शाखेकडून क्लिनचीट मिळाली आहे. लोकसभा निवडणुकांच्या काही दिवसांपूर्वीच रवींद्र वायकर यांनी शिवसेना उद्धव बाळासाहेब ठाकरे गटातून शिवसेना शिंदे गटात प्रवेश केला होता. यावरुन संजय राऊत यांनी भाजपवर सडकून टीका केली आहे. रवींद्र वायकर हे घाबरुन पळून गेले. अशी घणाघाती टीका संजय राऊत यांनी रवींद्र वायकर यांच्यावर केली. त्याचबरोब आता फक्त दाऊदला क्लिनचीट द्यायची बाकी राहीली आहे. असा टोलाही त्यांनी लगावला