ठाकरे गटाचे नेते संजय राऊत यांची नीट परीक्षेतील घोटाळा प्रकरणी प्रतिक्रिया समोर आली आहे. शिक्षण मंत्री धर्मेंद्र प्रधान यांनी राजीनामा द्यावा अशा प्रकारचा हा घोटाळा आहे, राष्ट्रपती यांचं भाषण हे मोदी जे भाषण करतात त्याचा एक भाग असल्याचं संजय राऊत म्हणाले. NEET वर कुठलाही ठोस मुद्दा त्यांनी सांगितलं नाही. मोदी, शाह यांनी नीट वर बोलावं ही आमची मागणी आहे, नीट वर चर्चा करण्याची मागणी आम्ही केली आहे. मोदींनी या चर्चेला उपस्थित राहून आम्हाला उत्तर द्यावं. सरकार जर आडमुठेपणाने वागत असेल तर त्यांना INDIA आघाडीची ताकद दाखवावी लागेल असं म्हणत संजय राऊत यांनी थेट इशारा दिला आहे.