महाविकास आघाडीमध्ये प्रमुख तीन पक्ष आहेत. आम्ही एकत्र निवडणूक लढवू. कोणाला खुमखुमी असेल लहान भाऊ, मोठा भाऊ, लाडका भाऊ तर महाराष्ट्रात काय चित्र असेल हे भविष्यात कळेल, असा थेट इशारा संजय राऊत यांनी काँग्रेसला दिला आहे. मुख्यमंत्रीपदावरून महाविकास आघाडीमध्ये सुरू असलेला वाद संजय राऊत यांच्या या वक्तव्यामुळे चव्हाट्यावर आला आहे. काँग्रेसला लोकसभेत वाढवा तीन जागा मिळाल्या त्यात देखील शिवसेनेचं योगदान होतं, असंसुद्धा राऊतांनी म्हंटल आहे.

ठाकरे गटाचे नेते संजय राऊत यांनी शुक्रवारी माध्यमांशी संवाद साधला. यावेळी त्यांनी 'काँग्रेस नेत्यांनी थेट मुख्यमंत्रीपदावर दावा करु नये, अजून जागावाटप बाकी आहे. सर्व लहान मित्र पक्षांनाही सामावून घेण्याचे प्रयत्न करावेच लागतील' असं म्हंटलं आहे. आत्मविश्वास वाढला म्हणून काँग्रेस काही एकट्याने निवडणूक लढणार नाही. काँग्रेस नेत्यांनी थेट मुख्यमंत्रीपदावर दावा करु नये, अजून जागावाटप बाकी आहे. सर्व लहान मित्र पक्षांनाही सामावून घेण्याचे प्रयत्न करावेच लागतील' असं म्हंटलं आहे.