पंतप्रधान नरेंद्र मोदी यांनी आज जीएसटी संदर्भात मोठा निर्णय घेत दर कमी केले आहेत. पूर्वी जीएसटीचे दर 18 टक्केवर होते आणि आता ते 5 टक्के ठेवले आहेत. हे नवीन दर आजपासून लागू करण्यात आले आहेत. यावरूनच खासदार संजय राऊत यांनी जोरदार हल्लाबोल चढावला आहे. संजय राऊत म्हणाले, हे सर्व करण्यापेक्षा मोदींनी आमचे 15 लाख दिले असते तर ते जास्त सोयीचे पडले असते. हे मूर्ख बनवण्याचे धंदे आहेत. त्यांनी 5 वाजता जीएसटीची घोषणा केली, असे संजय राऊत म्हणाले.

तसेच नेहमी मोदी 8 वाजता बोलतात. त्यांचा 8 ही देशाला धक्का देण्याची वेळ आहे. मग काल 5 वाजता का बोलले? काल ते 5 वाजता यासाठी बोललेत. कारण देशाने भारत पाकिस्तान सामना पाहावा. ते किती महान राष्ट्रभक्त आहेत. 8 वाजता अंधभक्तांना क्रिकेट सामना पाहता यावा. त्यामुळे त्यांनी 5 वाजता जीएसटीची घोषणा केली. असे टीकास्त्र संजय राऊत यांनी पंतप्रधान नरेंद्र मोदींवर सोडले.